Што можа Чалавек? Шмат: жыць, тварыць, любіць. А яшчэ пакінуць пасля сябе памяць нашчадкам, каб тыя не забываліся, хто яны і дзе іх карані. Усё гэта – пра карэліцкага паэта Алеся Мілюця і яго сям’ю. 26 кастрычніка, у 74-ю гадавіну з дня смерці творцы, яго родзічы завіталі на малую радзіму.







У рамках фестэвалю "Мястэчка”, якое ладзілася 4 жніўня ў г.п.Мір, супрацоўнікамі ДУК "Карэліцкая раённая бібліятэка”  арганізавана "Цыганскае падвор’е”  з сапраўдным табарам, гаданнем на картах, цыганскімі песнямі пад гітару і скрыпку, танцамі. Таксама перад міранамі развярнулася інсцэніроўка "цыганскіх заручын”, дзе госці свята з задавальненнем дапамагалі маладому цыгану пераканаць усіх, што варты ажаніцца з дачкой барона.  За ўдзел у імпрэзе "цыганскі падворак”  узнагароджаны дыпломам у намінацыі "Лепшы нацыянальны абрад”.


















15 жніўня ў чытальнай зале Карэліцкай раённай бібліятэкі прайшоў дыспут "Подросток. Здоровье. Будущее” накіраваны на выхаванне ў падлеткаў і моладзі асноў здаровага ладу жыцця. Удзельнікі мерапрыемства вялі гутарку пра карысныя і шкодныя звычкі, даведаліся аб пагубным удзеянні на здароўе алкаголю, курэння, наркотыкаў. У час гульні "Твой выбар” падлеткі паказалі сваю свядомасць у прафілактыцы шкодных звычак, адказвалі на пытанні пазнавальнай віктарыны, у канцы мерапрыемства сабралі "Сцяну здароўя” з цікавых і карыстных заняткаў.











12 ліпеня дзіцячая бібліятэка зноў сабрала маленькіх прыхільнікаў чароўных падарожжаў на летняй пляцоўцы. У гэты раз іх  сустрэла атаманша са сваімі памочнікамі – разбойнікамі (менавіта гэта была пірацкая вечарынка). Загадкі, віктарыныі, рэбусы, блытанкі, крыжаванкі, якія яны падрыхтавалі, перашкаджалі  дарогу да скарба. Але спрытныя і дапытлівыя хлачукі і дзяўчынкі прайшлі ўсе перашкоды і  знайшлі скарб.













Адаму Міцкевічу, творчасць якога была неразлучна звязана з нашымі мясцінамі і якому ў гэтым годзе споўніцца 220 год з дня нараджэння,  прысвяцілі цікавае і змястоўнае мерапрыемства супрацоўнікі Карэліцкай раённай бібліятэкі. 7 ліпеня ў г.п. Мір ладзіўся сапраўдны літаратурны салон пад назвай «Адам Міцкевіч запрашае…», працавала кніжная выстава «…Усюды частку душы я пакінуў», якая ўключала амаль усю тэматычную літаратуру з краязнаўчага фонда бібліятэкі, ладзіўся асабісты куток з партрэтам Міцкевіча і яго фотаздымкамі, падсвечнікам і шыкоўным выданнем земляка «Пан Тадэуш». У кутку салона – чайны столік, які дазваляў гасцям адведаць чай на зёлках з мёдам, варэннем і дамашнім печывам. Прысутных запрашалі «Свіцязянка» і «Гражына», якія расказвалі аб жыцці і творчасці земляка.  Бібліятэкары чыталі асабістыя  яго вершы «Свіцязь»,  «К Марылі», «Да сяброў»,  «Ніколі, нідзе не магу я растацца з табою», а таксама верш «Земляку» (К.Бесараб), «Едзеш, міленькі Адам» (Я.Чачота), «На зямлі Адама Міцкевіча» (В.Вярбы), санэт «Да Нёмана», урывак з балады «Свіцязянка», паэмы «Мешка, князь Навагрудка» і інш. У час мерапрыемства слова трымалі госці - дырэктар УК «Дом - музей Адама Міцкевіча г. Навагрудак» М.П.Гайба і дырэктар ДУК «Навагрудская раённая бібліятэка» І.М.Царук. На развітанне дырэктар ДУК «Карэліцкая раённая бібліятэка» Л.К.Арцюх выказала шчырыя словы падзякі ўсім ўдзельнікам і гасцям імпрэзы, пажадала моцнага здароўя, дабрабыту, любові да роднага краю і яго славутых землякоў.










Прэзентацыя новай кнігі, зборніка вершаў «Плыві, «Рэчанька» зямлі  Карэліцкай» удзельнікаў літаратурнага аб'яднання «Рэчанька», якое працуе пры рэдакцыі мясцовай газеты «Полымя», ладзілася  ў фае ДУ «Карэліцкі Цэнтр культуры і народнай творчасці».  Кіруе літаратурным аб'яднаннем «Рэчанька» мясцовая пісьменніца Г.П.Калтунова.

У кнігу ўвайшлі вершы землякоў, апублікаваныя ў розныя гады на старонках газеты «Полымя» у выпусках літаратурнай «Рэчанькі». Гэта і вершы сталых літаратараў І.Жука, М.Бусько, І.Вярбіцкага, В.Віцько, Л.Дзянкевіч, М.Мамонькі, Г.Дзмітрыева,  і маладых С.Моніч, Л.Трафімчык, М.Башко, М.Сініцы і інш.

На мерапрыемстве прысутнічалі калегі – пісьменнікі, сябры, чытачы раённай бібліятэкі. Падрабязны аналіз новай кнігі агучыла сама Г.П.Калтунова.

Аб значнасці зборніка вершаў для раёна, які менавіта выданы ў Год малой радзімы выказаў намеснік старшыні Карэліцкага райвыканкама Р.Ю.Абрамчык.

Словы павагі і падзякі ў адрас Г.П.Калтуновай адрасавалі начальнік аддзела ідэалагічнай работы, культуры і па справах моладзі І.М.Санчук і дырэктар ДУК «Карэліцкая раённая бібліятэка» Л.К.Арцюх.

Аўтары, творы якіх увайшлі ў зборнік чыталі свае вершы, дзяліліся ўраджаннем аб выдадзенай кнізе.

Першыя асобнікі зборніка Г.П.Калтунова ўручыла ўсім аўтарам вершаў, а таксама гасцям імпрэзы.

Да мерапрыемства супрацоўнікамі раённай бібліятэкі падрыхтавана выстаўка літаратуры, дзе экспанаваліся кнігі мясцовых аўтараў, якія знаходзяцца ў фондах бібліятэкі. Супрацоўнікі мясцовага Цэнтра культуры паднімалі настрой прысутных сваімі песнямі.







 На вечар памяці "Чернобыль. Экология. Жизнь. Будущее”, які адбыўся 26 красавіка ў раённай бібліятэцы запрошаны навучэнцы мясцовага ліцэя і школы. Згадваліся трагічныя падзеі, што адбыліся 32 гады назад на памежжы Беларусі і Украіны, чыталіся вершы, дэманстраваліся ўрыўкі відэафільма  пра красавіцкую трагедыю 1986 года. Таксама адбылося знаёмства з матэрыяламі кніжнай выставы "Рэха Чарнобыля”.




Круглы стол на тэму «Венец счастья:  семья и дети» адбыўся ў Карэліцкай раённай бібліятэцы 15 сакавіка (у рамках Тыдня праваслаўнай кнігі).

У мерапыемстве прынялі ўдзел начальнік аддзела ідэалагічнай работы, культуры і па спавах моладзі І.М.Санчук.  Вядучая мерапрыемства – дырэктар ДУК "Карэліцкая раённая бібліятэка” Л.К.Арцюх.

Аб сямейных узаемаадносінах, аб прычынах разводу, хто кіраўнік сям'і, якія абавязацельствы мужа і жонкі ў свеце Святога Пісання паведаміў настаяцель храма Святой Вялікамучаніцы Варвары, іерэй Алексій Шышкір.

З чым звязаная папулярнасць так званых грамадзянскіх шлюбаў? Як ставіцца царква да такога шлюбу расказаў клірык храма святых апосталаў Пятра і Паўла айцец Георгій Шаўчэнка.

Асаблівую ўвагу айцец Георгій звярнуў на тое, як пакутуюць дзеці ад безадказных учынкаў сваіх бацькоў, і заклікаў моладзь ніколі не станавіцца прычынай дзіцячых пакут.

Кожны жадаючы меў магчымасць задаць дыскусійныя пытанні. 

На мерапрыемстве прысутнічалі  вучні старэйшых класаў і  навучэнцы мясцовага будаўнічага ліцэя, якія  мелі магчымасць задаць дыскусійныя пытанні.





Ва ўрачыстым мерапрыемстве адкрыцця дзіцячага гульнявога пакоя прынялі ўдзел начальнік аддзела ідэалагічнай работы, культуры і па справах моладзі Карэліцкага райвыканкама І. М. Санчук, начальнік Карэліцкага РАНС, дэпутат раённага Савета дэпутатаў В. К. Рыбак, дырэктар Карэліцкай раённай бібліятэкі Л. К. Арцюх і клірык храма святых апосталаў Пятра і Паўла г. п. Карэлічы, святар Георгій Шаўчэнка, а таксама шматлікія госці.






З нагоды Міжнароднага дня роднай мовы, які адзначаецца 21 лютага ў чытальнай зале ДУК «Карэліцкая раённая бібліятэка» сабраліся вучні мясцовых школ, актыўныя чытачы бібліятэкі, работнікі культуры. Ладзілася кніжная выстава «Гімн роднай мове», якая складаецца з раздзелаў: «Ад прадзедаў спакон вякоў…», «Развіццё беларускай мовы», «Нашы любімыя беларускія творы».

Адкрылася сустрэча відэаролікам пра Сінявокую Беларусь і гучаннем знаёмых радкоў «Мой родны кут, як ты мне мілы…».

Бібліятэкар Валянціна Кошур, вядучы гаворку пра шлях развіцця роднай мовы, заклікала яе вывучаць, пашыраць, распрацоўваць, бо матчына мова — найвялікшы скарб.

Пра прыгажосць роднай мовы, уклад беларускіх пісьменнікаў у яе развіццё, адносіны да народнага скарбу гаварыла ў сваёй прамове начальнік аддзела ідэалагічнай работы, культуры і па справах моладзі райвыканкама Іна Санчук. «Калі мы будзем берагчы мову, то мы будзем берагчы спачыну», — сказала прамоўца.

Член Саюза пісьменнікаў Рэспублікі Беларусь Святлана Кошур заклікала прысутных авалодваць роднай мовай. Па яе меркаванні, трэба пачынаць з самага маленства, а таксама саміх сябе. Прачытаўшы верш пра родную мову Л.Геніюш, запрасіла прысутных напісаць агульнанацыянальную дыктоўку. «Акрамя таго, гэты тэкст павінен вам спадабацца і закрануць вас», — сказала Святлана Андрэеўна. Урывак П.Сабіна «Плач вады» тычыўся мясцовых краявідаў, вазера Свіцязь і жвавенькай рачулкі Сваротва, якая адзіная выцякае з шыкоўнага возера. Сапраўды – родная мова чыстая, светлая, мілагучная, і трэба яе берагчы і шанаваць.





17 лютага  адбылося масленічнае свята ў г.п.Карэлічы. І як заўжды ўдзел прымалі бібліятэкары раённай бібліятэкі. Арганізавалі святочны стол з чаем, блінамі, дамашнім печывам. Дзіцячая бібліятэка ладзіла для сваіх маленькіх наведвальнікаў гульнёвую праграму і продаж сувенірнай прадукцыі. «Цыганкі» запрашалі на свята, гадалі жыхарам пасёлка  і жадалі дабрабыту і моцнага  здароўя.     




   


         26 студзеня ў чытальнай зале раённай бібліятэкі адбыўся паэтычны вечар пад назвай "Я живу, и значит – я люблю! ”, прысвечаны 80 – годдзю з дня нараджэння знакамітага акцёра, паэта і барда Уладзіміра Высоцкага.

Вядучая мерапрыемства Тамара Кардаш пазнаёміла прысутных з біяграфіяй, асноўнымі этапамі творчасці і цікавымі фактамі з яго жыцця. На працягу святочнай вечарыны супрацоўнікі бібліятэкі, а таксама мясцовыя прыхільнікі  творчасці Уладзіміра Высоцкага чыталі яго вершы і дзяліліся сваімі ўражаннямі. Песні вялікага барда прагучалі ў выкананні вучняў і настаўнікаў ДУА "Карэліцкая дзіцячая школа мастацтваў”,  а таксама гасцей з горада Навагрудка. Суправаджалася мерапрыемства мультымедыйнай прэзентацыяй, прысвечанай жыццю і творчасці Уладзіміра Высоцкага. Дзейнічала выстава, якая ўключала паэтычныя зборнікі У.Высоцкага, а таксама фатаздымкі  і пласцінкі з песнямі.





Калядны ранішнік з удзелам наведвальнікаў Нядзельнай школы адбыўся 14 студзеня  ў раённай бібліятэцы. У выкананні дзяцей прагучалі вершы, песні, інсцэніраваліся біблейскія сюжэты, прысвечаныя любімаму святу – Ражджаству Хрыстову.